شعر""انا السيجــاره""

أنا السيجارة .. شاطرة شطارة
لكن الحقيقة .. آخر حقارة

أنا السيجارة .. أنا ف الصدارة
واللي يسيبني .. محتاج مهارة

ليه ياابن آدم .. على طول ف إيدك
ف البيت ف شارع .. أو حتى حارة

حاول تسيبني .. وانا كنت أكيدك
على طول تِجِيلي .. بس بإشارة

أنا احب أذِلَّك .. واعمل بفيدك
بعدل مزاجك .. بس بمرارة

تقدر تقول لي .. إزاي بفيدك
ده كفاية جسمي .. مليان قذارة

أمراض كتير .. ممكن تبيدك
وانتَ مطنش .. قال إيه شطارة

طب فين إرادتك .. ممكن تعيدك
وتصَّحِي عقلك .. وتقول خسارة

أو فين ضميرك .. ممكن يزيدك
إيمان وتقوى .. صَلَّي استخارة

لو كان بإيدي .. أحرق ف إيدك
يمكن تتوب .. وتعيش طهارة

أنا السيجارة .. آخر حقارة
عايز تسيبني .. أدخل مغارة

حاسب ف نفسك .. بس بحضارة
واخلص لربك .. وادعي بحرارة

اشكرك
علي المجهود الراقي